AVRO-2016-nın final mərhələsinə vəsiqə uğrunda mübarizəni pley-off mərhələsində davam etdirəcək komandalar səbətlərə bölünüb. Apasport.az saytının məlumatına görə, UEFA-nın milli komandalar üçün əmsallar cədvəlinə əsasən 8 komanda iki “dördlük” təşkil edib.

Bosniya və Herseqovina, Ukrayna, İsveç, Macarıstan səpələnmişlər sırasında yer alıb.

Onların potensial rəqibləri isə Danimarka, Norveç, İrlandiya və Sloveniya yığmaları olacaq.

Qeyd edək ki, pley-off mərhələsinin püşkatması oktyabrın 18-də keçiriləcək. Bu raundun qarşılaşmaları noyabrın 12-14 və 15-17-də baş tutacaq.