2016-cı ildə keçiriləcək Avropa çempionatında yenilik tətbiq olunacaq. Apasport.az saytının məlumatına görə, qitə çempionatları tarixində ilk dəfə qolun qeydə alınması texnologiyasından istifadə olunacaq.

Buna sistemin Braziliyadakı dünya çempionatında uğurlu tətbiqi səbəb olub. FİFA prezidenti Zepp Blatter texnologiyadan məmnun qaldıqlarını ifadə edib: “Qolun qeydə alınması texnologiyası əla işləyir. Bunu təkcə dünya çempionatı deyil, başqa yarışlarda da tətbiq etmək lazımdır. UEFA prezidenti Mişel Platini mənimlə söhbətində dedi ki, AVRO-2016-da da bu texnologiyadan istifadə olunacaq”.

Qeyd edək ki, 2016-cı ildəki qitə birinciliyi Fransada keçiriləcək.

• Premyer Liqanı Bundesliqaya dəyişəcək
• Avropanın rəmzi komandası açıqlanıb
• Sabiq "Neftçi"linin yeni ünvanı bəlli olub
• "Mançester Siti"nin keçmiş kapitanı və baş məşqçisi vəfat edib
• Mərc qalmaqalı üzə çıxıb: İspaniyalı futbolçu saxlanılıb