Azərbaycan millisi: Son 8 ilin ən uğursuz dövrü

18.11.2014 - 00:00

Azərbaycan millisi son 8 ildə ən uğursuz dövrünü yaşayır. Apasport.az saytının məlumatına görə, 2014-cü ildə keçirdiyi 8 matçda cəmi 1 qələbə qazanıb, 3 qol vuran komandamız 2007-ci ildən bəri belə zəif çıxış etməyib.

Yığmamız sonuncu dəfə belə və ya bundan pis oynamasına 2006-cı ildə təsadüf olunub. Onda yığmanın əksər aparıcı üzvlərindən imtina edən Şahin Diniyevin başçılıq etdiyi yığma ümumiyyətlə qələbə üzünə həsrət qalmışdı. Onda cəmi 2 qol vuran yığmamız elə indiki kimi 8 matça çıxmışdı. Amma onda məğlubiyyət sayı indikindən az – 4 idi.

Düzdü, 2014-cü ildə 1 qələbə qazanan yığmamız əvvəlki 7 illə müqayisədə qələbə sayı ilə yanaşı, oyun sayında da geri qalıb. Yoldaşlıq matçlarının azlığı müəyyən mənada qələbə və qol sayına da təsir edib. Amma son iki ilə nəzər salsaq, məğlubiyyətlərin də artması diqqət çəkir.

il	O	Q	H	M	T/F	X
1992	1	0	0	1	3-6	0
1993	4	3	1	0	9-5	10
1994	6	0	0	6	1-15	0
1995	6	0	1	5	2-21	1
1996	9	3	2	4	8-13	11
1997	10	1	1	8	5-19	4
1998	10	5	2	3	9-12	17
1999	9	1	2	6	8-24	5
2000	9	0	2	7	2-13	2
2001	10	2	2	6	6-15	8
2002	11	1	4	6	5-15	7
2003	8	1	2	5	8-18	5
2004	11	2	5	4	11-18	11
2005	11	0	2	9	2-24	2
2006	8	0	4	4	2-15	4
2007	14	4	3	7	11-24	15
2008	11	2	4	5	6-9	10
2009	13	2	3	8	8-23	9
2010	10	3	3	4	9-17	12
2011	10	2	1	7	9-20	7
2012	10	2	4	4	10-12	10
2013	12	3	7	2	11-8	16
2014	8	1	1	6	3-17	4

Qeyd edək ki, yığmamız 2014-cü ildə Filippin üzərində 1:0 hesablı qələbədən sonra 7 görüşdə - ABŞ (0:2), Özbəkistan (0:0), Rusiya (0:4), Bolqarıstan (1:2), İtaliya (1:2), Xorvatiya (0:6), Norveç (0:1) milliləri ilə matçlarda qalib gələ bilməyib.