FİFA “Bavariya” futbol klubunun fəxri prezidenti Frans Bekkenbauer 90 gün müddətinə futboldan uzaqlaşdırıb. Apasport.az saytının məlumatına görə, belə bir qərar əfsanəvi futbolçunun FİFA-nın etika komitəsi ilə əməkdaşlıqdan imtina etməsi ilə bağlı olub. Cəza qərarı dərhal qüvvəyə minib.

FİFA Rusiya və Qətərin 2018 və 2020-ci illərdə dünya çempionatlarına ev sahibliyi etmək hüququnu necə qazandıqlarını araşdırır. Mətbuatın yazdığına görə, Qətər mundialı qəbul etmək üçün FİFA üzvlərinə 5 milyon dollar rüşvət verib.

Bekkenbauer turnirlərin keçiriləcəyi yerləri seçən FİFA İcraiyyə Komitəsinə daxil olub. İstintaq qrupunun rəhbəri Maykl Qarsia 2 dəfə Bekkenbauerlə söhbət etmək istəsə də, 68 yaşlı məmur hər iki dəfə danışıqlardan qaçıb.

• Sabiq "Neftçi"linin yeni ünvanı bəlli olub
• "Mançester Siti"nin keçmiş kapitanı və baş məşqçisi vəfat edib
• Mərc qalmaqalı üzə çıxıb: İspaniyalı futbolçu saxlanılıb
• Fatih Terimin komandasında ayrılıq
• Malen "Aston Villa"da