Azərbaycanlı futbolçu Cavid İmamverdiyevin forma geyindiyi "Elazığspor" milli oyunlara görə çempionatlarda yararan fasilədən yararlanaraq daha bir yoxlama oyunu keçirib. Apasport.az saytının məlumatına görə, daha əvvəl "Kayserispor"a məğlub olan (3:2) təmsilçimizin komandası bu dəfə "Diyarbəkir BB" ilə üz-üzə gəlib.

Qarşılaşma "Elazığspor"un 1:0 hesablı qələbəsi ilə başa çatıb. Oyunda vurulan yeganə qola 45+1-ci dəqiqədə Birol Hikmət imza atıb. Komandasının qələbə qazandığı matçda  İmamverdiyev meydana start heyətində çıxıb.

Qeyd edək ki, futbolçumuz "Kayserispor"a qarşı keçirilən yoxlama oyununda da start heyətində forma geyinmişdi. Cavid 75-ci dəqiqədə  yerini Berk Yıldıza vermişdi.

• “Fənər”də ayrılıq: RUSİYAYA YOLLANDI
• Mbappedən “Qızıl top” açıqlaması – “Səsimi özümə verərdim”
• Vaynaldum “Əl-İttihad”a keçib - RƏSMİ
• “Fiorentina” baş məşqçisi ilə yollarını ayırıb - RƏSMİ
• "Siti"nin hücumçusu Səudiyyə Ərəbistanı klubunda