Türkiyə PTT I liqasında çıxış edən azərbaycanlı futbolçular Kamran Ağayevlə Cəmşid Məhərrəmovun komandaları üz-üz gəlib. Apasport.az saytının məlumatına görə, XXX tur çərçivəsində baş tutan “Adanaspor” – “Kayserispor” matçında həmyerlilərimizdən biri meydana çıxıb.

Kamran Ağayev zədəli olduğundan, “Kayserispor”un qapısını bu görüşdə də Kayacan Ərdoğan qoruyub. “Adanaspor”da isə Cəmşid Məhərrəmov start heyətində yer alıb. Yarımmüdafiənin mərkəzində çıxış edən Məhərrəmov yalnız qarşılaşmaya əlavə olunmuş birinci dəqiqədə əvəzlənib. Meydan sahiblərinin son dəqiqələri azlıqda keçirdiyi oyun 0:0 hesabı ilə başa çatıb.

Qeyd edək ki, bu nəticədən sonra lider “Kayserispor” xallarının sayını 62-yə çatdırıb. “Adanaspor” isə 36 xalla 14-cü pillədə qərarlaşır. Artıq növbəti turda “Kayserispor” Superliqaya vəsiqəni, “Adanaspor” isə I liqada qalmağı rəsmiləşdirə bilər.

• Messi tarix yazmağa davam edir – 49-cu titul
• “Yunayted”dən “Old Trafford”da tarixi uğursuzluq - 1976-cı ildən sonra ilk dəfə
• Aziz Yıldırımdan sərt açıqlama: “Qızımı bu mübahisələrə alət etmə”
• İspaniya De la Fuente ilə davam edir
• İtaliano açıqladı - "Marsel"lə matçda iştirak etməyəcək