Braziliyada keçirilən dünya çempionatının 1/8 final mərhələsinin 3 iştirakçısı məlum olub. Apasport.az saytının məlumatına görə, A, B və C qruplarında baş tutan II turun qarşılaşmalarından sonra 3 komanda ilk 2 yerdən birini təmin edib.

B qrupunda həyəcanın bitdiyini də demək olar. Çünki Hollandiya və Çili növbəti mərhələyə yüksəlib. Növbəti tur bu komandalardan hansının birinci yeri tutacağını müəyyənləşdirəcək.  

C qrupunda isə Kolumbiya bu işin öhdəsindən gəlib. Hər 2 görüşdə qələbə qazanan cənubi amerikalıların 16 komanda sırasına yüksələcəyi dəqiqləşib.

Bu xoşbəxtlərdən fərqli, 3 yığma isə mundialla vidalaşıb. A qrupunda Kamerun, B qrupunda isə son dünya çempionu İspaniya ilə yanaşı, Avstraliya da növbəti turdan sonra vətəninə qayıdacaq. Çünki bu millilər keçirdikləri hər 2 görüşü məğlub başa vurublar.

Qeyd edək ki, qrup mərhələsinə iyunun 27-də yekun vurulacaq və 1/8 finalın bütün iştirakçıları müəyyənləşəcək.

• “Qarabağ”ın rəqibindən inamlı qələbə
• La Liqada ayın futbolçusu bəlli oldu
• Roland Şallai rəsmən “Qalatasaray”da
• "Beşiktaş" daha bir legioneri ilə yollarını ayırdı
• Premyer Liqanın ən yaxşı oyunçusu seçildi