“Çelsi” futbol klubunun rəsmi saytı “Barselona”nın yarımmüdafiəçisi Sesk Fabreqasla müqavilə bağlandığını bildirib. Apasport.az saytının məlumatına görə, 27 yaşlı futbolçu klubla 5 illik müqavilə bağlayıb və 4 nömrəli futbolka ilə çıxış edəcək.
Transferin məbləği açıqlanmır. Amma qeyri-rəsmi məlumata görə, London klubu Fabreqasın transferinə görə “Barselona”ya 29 milyon avro ödəyib.
Fabreqas rəsmi açıqlamasında keçmiş klubuna təşəkkür edib: “İlk növbədə 3 gözəl mövsüm keçirdiyim Barselonadakı hər kəsə təşəkkür etmək istərdim. Bu, mənim uşaqlığımın klubudur və belə böyük komandada oynadığıma görə həmişə fəxr edəcəyəm. Mənə həqiqətən elə gəlir ki, İngiltərə Premyer Liqasında yarımçıq işlərim qalıb və indi qayıdıb həmin işləri başa çatdırmaq üçün gözəl fürsət yaranıb”.
Sesk Fabreqas “Kamp Nou”ya keçməmişdən öncə 8 il “Arsenal”da oynayıb. O, “Barselona” ilə İspaniya çempionatında, İspaniya kuboku və Superkubokunda, UEFA Superkubokunda və klublararası dünya çempionatında qalib gəlib.
Oxşar xəbərlər
Ana səhifə
Bütün xəbərlər
Hesabım