Bu gün AVRO-2016-nın seçmə mərhələsində növbəti oyunlara start veriləcək. Apasport.az saytının məlumatına görə, Fransadakı final mərhələsinə 53 iddiaçı arasında olan Azərbaycan milli komandası ikinci oyununu keçirəcək.
Yığmamızın çıxış etdiyi H qrupunda 2-ci turun matçları sabah baş tutacaq. Berti Foqtsun yetirmələri İtaliyada meydan sahibləri ilə görüşəcək.
Bu oyun komandamızın cari tsikldə ilk səfər sınağı olacaq. Rəqib meydanındakı ilk görüşünə ciddi hazırlaşan yığmamız Almaniyada toplanış keçdikdən sonra Apenninə yollanıb.
4 qat dünya çempionu ilə qarşılaşma Palermo şəhərində baş tutacaq. Millimiz 11 ildən sonra İtaliya ilə görüşəcək. AVRO-2004-ün seçmə mərhələsində Bakıda 2, Reco-di-Kalabriyada 4 cavabsız qol buraxan yığmamız əfsanəvi Canluici Buffonun qapısına ilk dəfə yol tapmağa çalışacaq. Futbolçularımız Bolqarıstana ev məğlubiyyətini unutdurmaq üçün sensasiya etmək əzmindədir.
“Skuadra Adzurra” ilə səfər oyununa yığmanın aparıcı üzvləri Vaqif Cavadov, Mahir Şükürov, Ruslan Abışov olmadan yollanan komandamız üçün “Renso Barbera” stadionundakı görüş asan olmayacaq. Yeni baş məşqçi Antonio Kontenin rəhbərliyi altında qol buraxmayan italiyalılar meydana çıxdığı hər iki görüşdə 2:0 hesabı ilə qalib gəlib. Təcrübəli Andrea Pirlonu da geri qaytaran mütəxəssis evdə ilk seçmə oyununa çıxacaq.
AVRO-2016-nın seçmə mərhələsi
H qrupu
10 oktyabr
23:45. İtaliya – Azərbaycan
Baş hakim: Hüseyn Göçek
Baş hakimin köməkçiləri: Mustafa Əmrə Eyisoy, Orkun Aktaş
Dördüncü hakim: Serkan Ok
Əlavə köməkçi hakimlər: Mete Kalkavan, Hakan Ceylan (hamısı Türkiyə)
Hakim-inspektor: Alan Freland (Şotlandiya)
UEFA nümayəndəsi: Tis Roland (Belçika)
Palermo. “Renso Barbera” stadionu
Oxşar xəbərlər
Ana səhifə
Bütün xəbərlər