Litva yığması bu gün yoldaşlıq oyunu keçirəcək. Apasport.az saytının məlumatına görə, Baltikyanı ölkə təmsilçisi Qdanskda qonşu Polşa ilə gücünü sınayacaq.

Ancaq Litva millisində Bakı vaxtı ilə saat 20:30-da başlayacaq görüş öncəsi 3 futbolçu heyətdən çıxarılıb. Bunlardan Almaniyanın “Ertsqebirqe Aue” klubunun yarımmüdafiəçisi Arvidas Novikovas ailə vəziyyətinə görə Polşaya qarşı forma geyinə bilməyəcək.

“Atlantas”ın hücumçusu Tadas Elioşyus, eləcə də “Rəvan”, “Bakı” və “Simurq”un sabiq yarımmüdafiəçisi Mindauqas Kalonas isə məşqçilərin qərarına əsasən heyətdən çıxarılıb. Qərarın səbəbi açıqlanmasa da, bunu Kalonasın son vaxtlar futbol oynamaması ilə əlaqələndirmək olar.

Qeyd edək ki, mayın 29-da Finlandiya (1:0) və mayın 31-də Latviya (0:1)  ilə “Baltika Kuboku” görüşlərində də meydana çıxmayan Mindauqas Kalonasın karyerasını hansı klubumuzda davam etdirəcəyi hələ ki bilinmir.
 

• Yusuf Yazıcı üçün 4 namizəd
• Flik: “Barselona” Çempionlar Liqasını qazana bilər”
• "Milan"da ciddi narazılıq: Baş məşqçi ilə yollar ayrılır
• "Dinamo"da 9 qolun cəzası baş məşqçiyə kəsildi
• "Bavariya" "Bayer"in əsas müdafiəçisi ilə anlaşıb