“Neftçi” tədricən öz gücünə qayıtmaqdadır. İndi itirdiklərimizi bərpa etmək zamanıdır”. Bunu apasport.az saytına “Neftçi”nin müdafiəçisi Karlos Kardoso deyib.

Ölkə kubokunun 1/4 final mərhələsinin “İnter”lə görüşündə “Neftçi” qələbə qazanmağa yaxın olsa da, matçın əsas vaxtının bitməsinə 5 dəqiqə qalmış bu şansını əldən buraxdı. Belə ki, Kaxaber Sxadadzenin oğlu Baçana meydana daxil olduqdan 3 dəqiqə sonra məhsuldar ötürmə verməklə görüşün nəticəsini müəyyənləşdirdi.

Bu görüşdə 90 dəqiqə oynamış braziliyalı mərkəz müdafiəçisi isə qarşılaşmanın sonlarında top buraxmalarına baxmayaraq, nəticənin sərfəli olduğunu bildirib: “İnter”lə oyunda yaxşı mövqe seçirdik. Çempionatda da, kubokda da yaxşı oynamağa çalışırıq. Biz qol vura bilərdik. Ancaq topu itirdik və rəqibin əks-hücumu zamanı öz qapımızda qolu gördük. Bununla belə, məyus olmuruq. Çünki səfərdə oynadığımız üçün 1:1 hesabı da yaxşı nəticədir”.

Qeyd edək ki, tərəflərin cavab oyunu martın 19-da “Bakcell Arena”da keçiriləcək.

• “Bordo” həvəskar liqaya düşürüldü – Klub qərardan şikayət edəcək
• İstanbul derbisinin hakimi bəlli oldu – “Fənərbaxça” – “Beşiktaş” matçı Melerə tapşırıldı
• Markos Lyorente İspaniya millisində karyerasını başa vurdu
• “Fənərbaxça” Talişka ilə yollarını ayırdı - Rəsmi
• Millimizin üzvü oynadı, komandası qalib gəldi