Dortmund “Borussiya”sının baş məşqçisi Yurgen Klopp qəribə açıqlama ilə diqqət çəkib. Apasport.az-ın Almaniya mətbuatına istinadən məlumatına görə, təcrübəli mütəxəssis Almaniya Kubokunda yarımfinal mərhələsinin püşkatmasını izləmədiyini bildirib.

Klopp yarımfinalda “Bavariya” ilə qarşılaşacaqlarını çoxdan bildiyi üçün püşkatma yerinə serial izlədiyini deyib: “Püşkatmanı izləməyimə ehtiyac yox idi. Çünki “Bavariya” ilə düşəcəyimizi bilirdim. Ondansa Amerika serialı olan “Law and Order”i izləmək daha maraqlı olardı, mən də belə etdim”.

Qeyd edək ki, Almaniya Kubokunun 1/4 final mərhələsində “Hoffenhaym”ı məğlub edən “Borussiya” aprelin 28-də yarımfinalda “Bavariya” ilə üz-üzə gələcək. Görüş Münhendəki “Allianz Arena”da keçiriləcək.

• Joze Mourinyo hakimlik haqda: ”Belə bir şey görməmişəm”
• Arda Turan "Beşiktaş"a keçidi ilə bağlı: “Həmişə Qalatasaray”lı olduğumu söyləmişəm”
• Duşan Tadiç: "Kişi kimi məsuliyyəti boynumuza götürməliyik"
• “Ankaragücü” baş məşqçisi ilə yollarını ayırıb
• “Sent-Etyen”in baş məşqçisi bəlli olub