Azərbaycan klublarının heyətində avrokuboklarda ən çox qol vuran futbolçuların siyahısında dəyişiklik baş verib. Apasport.az saytının məlumatına görə, “Qarabağ”ın hollandiyalı legioneri Leroy Corc ən məhsuldar oyunçulardan ibarət “11-liy”ə daxil olub.

Yarımmüdafiəçi Avropa Liqasının qrup mərhələsinin IV turunda Ukrayna “Dnepr”inin qapısına yol tapmaqla qol sayını 4-ə çatdırıb. Bu oyunadək 2 dəfə Avroliqa, 1 dəfə Çempionlar Liqasında rəqib qapıçıları məyus edən Corc komanda yoldaşı Vüqar Nadirova da çatıb. Bu cütlük daha 3  futbolçu ilə birlikdə hərəyə 4 qol vurub. Onlar ümumi bombardirlər siyahısında 7-11-ci yerlərdə qərarlaşıb.

Qeyd edək ki, klublarımızın heyətində ən çox fərqlənən vuran iki oyunçudan biri – Reynaldo “Qarabağ”ın heyətində qol sayını artırmaq iddiasındadı. Onun kimi 7 qolun müəllifi olan Rəşad Sadiqov isə hazırda avrokuboklarda çıxış etməyən “Xəzər Lənkəran”ın şərəfini qoruyur.

• "Beşiktaş"dan ayrıldı, Bolqarıstanda çıxış edəcək
• Çempionlar Liqası matçları bu kanallarda - TV AFİŞA
• Arda Gülərə UEFA-dan mükafat – Mövsümün ən yaxşısı
• “Milan”ın sabiq futbolçusu butslarını "mismardan asdı"
• Türkiyədə tarixi təyinat – 22 yaşlı qadın baş məşqçi oldu