21 yaşadək futbolçulardan ibarət Azərbaycan millisi sabah növbəti sınağına çıxacaq. Apasport.az saytının məlumatına görə, Bernard Lippertin rəhbərlik etdiyi komanda Malta millisi ilə qarşılaşacaq.

Növbəti Avropa çempionatının püşkatmasını gözləyən komandalar Vallettada qarşılaşacaq. “Hibernians” klubuna məxsus eyniadlı arenada baş tutacaq oyun yığmamızın bu ay keçirəcəyi ikinci matç olacaq.

Cəmi 3 min tamaşaçı tutan arenadakı görüş Lippertin millimizdə son matçı ola bilər. Çünki almaniyalı ilin sonunda postunu tərk edəcəyini açıqlamışdı. Maltadakı oyun 2014-cü ildə sonuncu olduğundan elə bu matç onun üçün postu ilə vida görüşü ola bilər.

AVRO-2015-in seçmə mərhələsinin yekunlarına əsasən yığmamız adadakı qarşılaşmanın favoritidi. Çünki komandamız yarışı 4 xalla 4-cü yerdə başa vurubsa, maltalılar xal üzünə həsrət qalıb. Ardıcıl 8 dəfə uduzan rəqibimiz son 5 tsikldə 2 dəfə qələbə əldə edib.

16 noyabr

18:00. Malta (U-21) – Azərbaycan (U-21)

Malta. Valetta. “Hibernians” stadionu

• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı
• "Beşiktaş"dan ayrıldı, Bolqarıstanda çıxış edəcək
• Çempionlar Liqası matçları bu kanallarda - TV AFİŞA
• Arda Gülərə UEFA-dan mükafat – Mövsümün ən yaxşısı