[b]Mahir Şükürov 90 dəqiqə forma geyinib, "sarı" aldı[/b]

29.12.2014 - 00:07

Türkiyə PTT I liqasının XV turu çərçivəsində növbəti oyunlar keçirilib. Apasport.az saytının məlumatına görə, millimizin müdafiəçisi Mahir Şükürovun çıxış etdiyi “Karşıyaka” səfərdə “Boluspor”la üz-üzə gəlib.

Qarşılaşmada qalib müəyyənləşməyib. Görüş 0:0 hesablı heç-heçə ilə başa çatıb.

“Alanyaspor”la (1:0) baş tutan ötən turda ehtiyat oyunçular skamyasında matçı izləyən Mahirin bu dəfə meydana start heyətdə çıxıb. Sona qədər mübarizə aparan Şükürov 74-cü dəqiqədə sarı vərəqə ilə cəzalanıb.

Qeyd edək ki, aktivində 22 xal olan “Karşıyaka” hazırda turnir cədvəlinin 6-ci pilləsində yer alır. “Boluspor” isə 17 xalla 12-ci sırada qərarlaşır.

Türkiyə PTT I liqası

XV tur

28 dekabr

“Boluspor” - “Karşıyaka” - 0:0