Uzun illərdi Rusiyada legioner həyatı yaşayan Gökdəniz Qaradəniz karyerasını bitirməyə hazırlaşır. Apasport.az saytının məlumatına görə, bunu veteran yarımmüdafiəçi özü söyləyib.

“Rubin”də çıxış edən 35 yaşlı oyunçu artıq qocaldığını etiraf edib: “İşimi sevirəm. Amma futbolun hər gün məndən bir az da uzaqlaşdığını görürəm. Bu məni məyus edir. Tezliklə karyeramı bitirəcəm. Bu barədə düşünəndə dəli oluram”.

Qeyd edək ki, Gökdəniz Qaradəniz 2008-ci ildən “Rubin”in formasını geyinir.