Futzal üzrə milli komandaların növbəti reytinq siyahısı açıqlanıb. Apasport.az saytının məlumatına görə, noyabrda ikinci dəfə açıqlanan reytinqində dünyanın 151 yığması yer alıb.
Cədvəldə ciddi dəyişiklik qeydə alınmayıb. Bu komandalardan 96-sı əsas siyahıya daxil edilib. Digər 55 milli isə son 2 ildə kifayət qədər oyun keçirmədiyindən cədvələ şərti olaraq salınıb.
Hesabında 1391 xal olan Azərbaycan yığması siyahının 11-ci pilləsində qərarlaşıb. Yığmamızın AVRO-2016-nın seçmə mərhələsindəki rəqiblərindən Ukrayna 8-ci, Belçika 28-cidi.
Komandamızın 4-cü rəqibi olmağa iddiaçılar isə siyahının aşağı pillələrindədi. Bolqarıstan 79-cu, Yunanıstan 52-ci, Danimarka 60-cıdısa, Cəbəllütariq əsas siyahıya düşən 96 yığma arasında yer almayıb.
İlk “11-lik”
1. İspaniya - 1915
2. Braziliya - 1908
3. İtaliya - 1746
4. Rusiya – 1743
5. Argentina – 1684
6. Portuqaliya - 1620
7. İran - 1602
8. Ukrayna – 1472
9-10. Çexiya - 1399
9-10. Yaponiya - 1399
11. AZƏRBAYCAN – 1391
Oxşar xəbərlər
Ana səhifə
Bütün xəbərlər