Futzal üzrə milli komandamızın və “Araz” klubunun baş məşqçisi Joze Alesio da Silva müqaviləsini AFFA ilə müqaviləsini birtərəfli şəkildə pozub. Apasport.az saytının məlumatına görə, braziliyalı çalışdırıcı 2007/08 mövsümündə çalışdığı Qazaxıstanın “Kayrat” klubuna geri dönüb.
Ancaq o bu dəfə “Kayrat”da köməkçi məşqçi qismində fəaliyyət göstərəcək. 46 yaşlı mütəxəssis baş məşqçi Kakaunun köməkçisi təyin olunub. Almatı klubunun rəsmi saytı bu xəbəri təsdiqləməsə də, Alesio artıq oktyabrın 1-də “Kayrat”ın dünya superkobukunun yarımfinalında keçirdiyi matçda texniki zonada olub. Belə ki, Qazaxıstan təmsilçisi Tailandın “Çonburi Blu Veyv” klubunu 6:2 hesabı ilə məğlub edib.
Qeyd edək ki, Joze Alesio 2 dəfə “Araz”la UEFA Kubokunun bürünc mükafatına sahib olub. O, 3 dəfə Azərbaycan millisini Avropa çempionatının final mərhələsinə çıxarıb.
Oxşar xəbərlər
Ana səhifə
Bütün xəbərlər
Hesabım