Türkiyə Superliqasının XXIII turunda milli futbolçularımızın komandaları üz-üzə gəlib. Apasport.az saytının məlumatına görə, Cihan Özkaranın çıxış etdiyi “Sivasspor” doğma azarkeşləri önündə Ali Gökdəmirin yeni keçdiyi “Elazığspor”u qəbul edib.

Görüş gözlənilmədən “Sivasspor”un 1:3 hesablı yenilgisi ilə başa çatıb. Hər 2 futbolçumuzun bu görüşdə bir-birinə qarşı oynaması isə mümkün olmayıb. Belə ki, Özkara ilə Gökdəmir matçı sonadək ehtiyat oyunçular skamyasından izləyib. Bununla da “Sivasspor”un ilk “3-lüy”ə düşmək şansı bir qədər də çətinləşib. “Elazığspor” isə aşağı dəstəyə düşmə zonasından uzaqlaşıb.

Qeyd edək ki, Gökdəmirdən fərqli, millinin Dubay toplanışına çağırılan Özkara bu matçdan sonra BƏƏ-yə yollanıb.

• “Arsenal”dan “Əl-Hilal”a - KLUB TARİXİNİN ƏN BAHALI SATIŞI
• Argentinada Messiyə xüsusi jest – Oyunlar 10-cu dəqiqədə dayandırılacaq
• Ançelotti "Real"ın düşərgəsini ziyarət etdi
• Bosniya futbolunda bir dövr başa çatır – Edin Cekonun son matçı
• Obameyanq hökumətin tənqidindən sonra millidən getdi – “Bu, son damla oldu”