Sabah 19 yaşadək qızlar arasında Avropa çempionatının növbəti mövsümünün püşkatması keçiriləcək. Apasport.az saytının məlumatına görə, Slovakiyada baş tutacaq final mərhələsinə vəsiqələr uğrunda 46 komanda mübarizə aparacaq. Bunlardan ikisi – İngiltərə ilə İspaniya yarışa elit-raunddan qoşulacaq.

Seçmə mərhələdə çıxış edən 44 komanda isə UEFA reytinqinə əsasən 4 səbətə bölünüb. Başa çatan son 3 mövsümün nəticələrinə əsasən tərtib olunan reytinq cədvəlində Azərbaycan millisi də yer alıb. Hesabında cəmi 1,000 xal olan komandamız Avropanın 39-cusudur. Bu üzdən də yığmamız ən zəiflərin yer aldığı D səbətində qərarlaşıb.

Noyabrın 19-da İsveçrənin Nyon şəhərində baş tutacaq püşkatma Bakı avxtı ilə saat 13:15-də başlayacaq. Püşk zamanı Rusiya və Ukrayna eyni qrupa düşməyəcək.

Qeyd edək ki, seçmə mərhələnin oyunları 2015-ci ilin 15-20 sentyabr tarixlərində keçiriləcək. Səbətlərin tərkibini nəzərinizə çatdırırıq:

U-19-un potensial rəqibləri

A səbəti: İsveç, Fransa, Almaniya, Norveç, Danimarka, Finlandiya, Belçika, Şotlandiya, İrlandiya, Hollandiya, İsveçrə

B səbəti: Portuqaliya, Çexiya, Serbiya, Rumıniya, İtaliya, Avstriya, İslandiya, Rusiya, Şimali İrlandiya, Uels, Polşa

C səbəti: Türkiyə, Ukrayna, Macarıstan, Yunanıstan, Xorvatiya, Sloveniya, Bosniya və Herseqovina, Makedoniya, Kipr, Belarus, Estoniya

D səbəti: Farer adaları, Bolqarıstan, AZƏRBAYCAN, Moldova, Latviya, Litva, İsrail, Qazaxıstan, Monteneqro, Gürcüstan, Albaniya.

• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı
• "Beşiktaş"dan ayrıldı, Bolqarıstanda çıxış edəcək
• Çempionlar Liqası matçları bu kanallarda - TV AFİŞA
• Arda Gülərə UEFA-dan mükafat – Mövsümün ən yaxşısı