Millimizin Macarıstan sınağı

10.11.2014 - 10:33

Bu gün 19 yaşadək futbolçular arasında Avropa çempionatının seçmə mərhələsinin 4-cü qrupunda mübarizəyə start veriləcək. Apasport.az saytının məlumatına görə, Azərbaycan yığmasının da yer aldığı qrupun oyunları Macarıstanda keçiriləcək.

Yığmamız və meydan sahiblərindən başqa, Sloveniya və Slovakiya da 6 gün ərzində münasibətlərini aydınlaşdıracaq. Əsasnaməyə görə hər qrupdan iki ən yaxşı komanda elit mərhələyə vəsiqə əldə edir. 13 qrupda 3-cü yer sahibi olanlardan ən yaxşı nəticəyə malik kollektiv də mübarizəni davam etdirmək hüququ qazanacaq. Bu zaman onların ilk iki yerlə matçlarının nəticələri nəzərə alınacaq.

İlk qarşılaşmasında meydan sahibləri ilə görüşəcək millimiz iki gün sonra Slovakiya ilə üz-üzə gələcək. Komandamızın son rəqibi isə Sloveniya olacaq.

10 noyabr

16:00. Slovakiya - Sloveniya

Baş hakim: Marko Quida (İtaliya)

Tatabanya. Qroşiş Qyula stadionu

21:00. Macarıstan – AZƏRBAYCAN

Baş hakim: Con Beaton (Şotlandiya)

Dunayuvaroş. Esperanto stadionu

12 noyabr

16:00. Slovakiya - AZƏRBAYCAN

Baş hakim: Eli Hakmon (İsrail)

Dunayuvaroş. Esperanto stadionu