17 yaşadək futbolçulardan ibarət Azərbaycan millisinin Avropa çempionatının seçmə mərhələsində keçirəcəyi oyunların hakimləri müəyyənləşib. Apasport.az saytının məlumatına görə, yığmamız Belçikada təşkil olunan seçmə mərhələnin X qrupunda mübarizəsinə yunanıstanlı və irlandiyalı referi şahidlik edəcək.

Oktyabrın 23-də Eysden şəhərinin “Patro Eysden” stadionunda meydan sahibləri, 2 gün sonra Beringen şəhərindəki “Mijnstadion” arenasında İsveçrə ilə baş tutacaq görüşlərdə eyni hakim olacaq. Bu matçlar yunanıstanlı Antonis Qyaçisə həvalə olunub. Ayın 28-də komandamızın Bosniya və Herseqovina ilə Eysdendəki qarşılaşmasında isə irlandiyalı Rob Rocers fit çalacaq.

Qeyd edək ki, yığmamızın hər üç oyunu Bakı vaxtı ilə saat 22:00-da başlayacaq.

• “Göztepe”nin qapıçısından azarkeşlərə təhdid: “Bir gün küçədə qarşılaşacağıq”
• “Real”da Arda Güler problemi – “Mbappe və Vinisiusdan qorxur”
• Çempionlar Liqası matçları bu kanallarda - TV AFİŞA
• Türkiyə klubunda ayrılıq - RƏSMİ
• “Fənər”də ayrılıq: RUSİYAYA YOLLANDI