Bakının “İnter” klubu Azərbaycan kubokunun 2014/15 mövsümündə ilk dəfə qol buraxıb. Apasport.az saytının məlumatına görə, yarımfinal mərhələsinin bu gün “Neftçi” ilə keçirilən ilk oyununadək qapısını toxunulmaz saxlayan “bankirlər”i 19-cu dəqiqədə Nikolas Kanales məyus edib.
Bunadək 1/8 finalın “Şahdağ” (3:0), 1/4 finalın “Xəzər Lənkəran”la (3:0, 2:0) oyunlarında qol buraxmayan “İnter” sonuncu dəfə ötən mövsümün 1/4 finalında qapısına qol görmüşü. Həmin vaxtda Kaxaber Sxadadzenin yetirmələrini “Neftçi” məyus etmişdi.
2014-cü il martın 12-də “İnter Arena”da qeydə alınan 1:1 hesablı bərabərlikdən sonra səfərdəki qolsuzluq “bankirlər”in yolunu bağlamışdı. Bahodir Nasimovun 397 gün əvvəl martın 51-ci dəqiqəsində vurduğu qoldan sonra Sxadadzenin komandası ötən mövsüm 129, cari mövsüm 289 dəqiqə qapısından qol buraxmayıb. Nasimovdan Kanalesə qədər olan quru seriya isə ümumilikdə 418 dəqiqə təşkil edib.
Oxşar xəbərlər
Ana səhifə
Bütün xəbərlər