Nigeriya Futbol Federasiyasının məmuru dünya çempionatında 1/8 finala vəsiqə qazanan millinin oyunçularına mükafat kimi vəd edilən pulu tapmaq üçün vətənə dönüb. Apasport.az saytının məlumatına görə, futbolçular pul almayacaqları təqdirdə oynamayacaqlarını bildiriblər.
Artıq futbolçular hədədən real addımlara da keçiblər. Komandanın oyunçuları sonuncu məşqə çıxmaqdan imtina ediblər.
Afrika komandaları mükafatla bağlı tez-tez belə hallar yaşayırlar. Məsələn, hazırkı dünya çempionatı başlayan ərəfədə Kamerun millisi bütün bonusların onlara əvvəlcədən ödənilməməsi səbəbindən Braziliyaya getməkdən imtina edirdi. Nəticədə, kamerunlular Braziliyaya 1 gün gec çatıblar.
Qana millisi isə Portuqaliya ilə oyuna çıxmamaqla hədələyirdi. Futbolçular onlara vətəndən 3 milyon dollar nağd pul göndərildikdən sonra oyuna çıxmağa razılıq veriblər.
Oxşar xəbərlər
Ana səhifə
Bütün xəbərlər
Hesabım