“Çelsi”nin qapıçısı Petr Çex, nəhayət ki, seçim edə bilib. Apasport.az saytı xəbər verir ki, Avropanın bir neçə klubundan təklif alan çexiyalı qolkiper Londonda qalmağı məsləhət bilib.

Amma o, gələn mövsümdən “Çelsi”nin yox, “Arsenal”ın formasını geyinəcək. 33 yaşlı qolkiper “toplçular”la ilkin razılıq əldə edib. “Arsenal” bu keçid üçün qarşı tərəfə həmçinin 10 milyon funt-sterlinq təklif edib. “Zadəganlar”ın sahibi Roman Abramoviç də bu transferə qarşı olmadığını söyləyib. Yaxın günlərdə keçidin rəsmiləşməsi gözlənilir.

Qeyd edək ki, “Arsenal” Çexi heyətinə qata bilsə, “Fənərbaxça”nın maraq dairəsində olan David Ospina ilə yollarını ayıracaq.

• Harri Keyndən Bundesliqada tarixi rekord
• “Trabzonspor” - “Qalatasaray” matçının VAR hakimi bəlli oldu
• Günün oyunları bu kanallarda - TV AFİŞA
• “Karyeramı “Barselona”da başa vurmaq istəyirəm”
• “Çelsi” Londonda darmadağın oldu - VİDEO