Milli komandaların oyunları ilə əlaqədar olaraq yaranan fasilədən istifadə edən "Dənizlispor" ilə "Manisaspor" yoxlama oyununda qüvvəsini sınayıblar. Apasport.az saytının məlumatına görə, PTT I liqa klublarının görüşü Dənizli şəhərindəki "Atatürk" stadionunda baş tutub.
Qarşılaşmasında qalib müəyyənləşməyib. Matç 1:1 hesablı bərabərliklə başa çatıb.
"Dənizlispor"da çıxış edən milli komandamızın sabiq müdafiəçisi Rail Məlikov meydana ilk “11-lik”də çıxıb və fasiləyə qədər forma geyinməyi bacarıb. Təmsilçimizi Ömər əvəzləyib. "Manisaspor"un üzvü, digər sabiq futbolçumuz Branimir Subaşiç isə start heyətində yer alıb. Serb əsilli forvard Raildən fərqli olaraq, 63-cü dəqiqədə yerini Oğuzhan Palaza verib.
Qeyd edək ki, hesabı 20-ci dəqiqədə Subaşiçin başla cərmə meydançasına ötürməsindən sonra Qüdrət açıb. 82-ci dəqiqədə isə Məlikovun komanda yoldaşı Bülent Ertuğrul matçda bərabərlik qoluna imza atıb.
Oxşar xəbərlər
Ana səhifə
Bütün xəbərlər