“Real Madrid”in futbolçusu Serxio Ramos klubla yeni müqavilə imzalayıb. Apasport.az saytının məlumatına görə, yeni müqavilə müdafiəçiyə klubun ən çox pul qazanan futbolçuları arasında üçüncü olmağa imkan verib.

“Marca” qəzetinin xəbərinə görə, 30 yaşlı futbolçu “Real”ın 100 milyon avroya transfer etdiyi Qaret Beyldən və komandanın lideri Kriştiano Ronaldodan sonra üçüncü olub. İldə 10 milyon avro qazanacaq Ramos müdafiə xəttində ən çox qazanan futbolçulardan birinə çevriləcək.

Qeyd edək ki, Serxio Ramos “Real”ın heyətində 300-dən çox oyun keçirib. O, Çempionlar Liqasının son finalında oyunun bitməsinə 2 dəqiqə qalmış cavab topu vuraraq, komandasının xilaskarına çevrilib.

• Avropanın rəmzi komandası açıqlanıb
• Sabiq "Neftçi"linin yeni ünvanı bəlli olub
• "Mançester Siti"nin keçmiş kapitanı və baş məşqçisi vəfat edib
• Mərc qalmaqalı üzə çıxıb: İspaniyalı futbolçu saxlanılıb
• Fatih Terimin komandasında ayrılıq