Türkiyənin PTT I liqasında V turun oyunları başa çatıb. Apasport.az saytının məlumatına görə, millimizin sabiq hücumçusu Branimir Subaşiçin çıxış etdiyi "Manisaspor" "Antalyaspor"u qonaq edib.

Bol qollu keçən matçda qalib müəyyənləşməyib - 3:3.

Qeyd edək ki, meydana start heyətdə çıxan serb əsilli azərbaycanlı forvard həm 90 dəqiqə mübarizə aparıb, həm də komandasının ilk qoluna imza atıb.

Bundan başqa, Branimir 55-ci dəqiqədə komandasına penalti qazandırıb. Sakıp Aytaçın ona qarşı kobudluğundan sonra oyunun baş hakimi "Antalyaspor"un qapısına penalti təyin edib.

Bu həmçinin Subaşiçin "Manisaspor"un heyətində rəsmi oyunlarda vurduğu ilk qol olub.

• “Göztepe”nin qapıçısından azarkeşlərə təhdid: “Bir gün küçədə qarşılaşacağıq”
• “Real”da Arda Güler problemi – “Mbappe və Vinisiusdan qorxur”
• Çempionlar Liqası matçları bu kanallarda - TV AFİŞA
• Türkiyə klubunda ayrılıq - RƏSMİ
• “Fənər”də ayrılıq: RUSİYAYA YOLLANDI