Fransa millisinin və "Monako"nun sabiq futbolçusu Qael Jive keçən il transfer edildiyi "Evyan" klubundan cəmi 1 oyun keçirdikdən sonra ayrılmasının səbəbini açıqlayıb. Apasport.az saytının məlumatına görə, 33 yaşlı müdafiəçi "Evyan"dan ayrılmasına əsas səbəbin, göstərdiyi oyunun yox, imicinin olduğunu deyib:

"Klubda keçirdiyim ilk oyundan 3 gün öncə çox axmaq bir səbəblə klub prezidentinin otağına çağırıldım. Bu məsələnin futbolla heç bir əlaqəsi yox idi. Prezidentin otağına daxil olduqdan sonra məndən saqqalımı qırxmağımı istədilər. Onlar mənə saqqalımın çox uzun olduğunu deyirdilər".

Qael rəhbərliyin dediyini etmədikdə ona qarşı münasibətin dəyişdiyini deyib:

"Saqqalımı qırxmayacağımı dedikdən sonra mənə qarşı münasibət dəyişdi. Maraqlıdı ki, müsəlman olmamağıma baxmayaraq, mənimlə cihadçıymışam kimi davranırdılar".

Fransız futbolçu hazırda "Arles-Avinyon"da top qovur.