Bu gün 19 yaşadək qızlar arasında Avropa çempionatının növbəti mövsümünün püşkatması keçirilib. Apasport.az saytının məlumatına görə, Slovakiyada baş tutacaq final mərhələsinə vəsiqələr uğrunda 46 komanda mübarizə aparacaq.

Bunlardan ikisi – İngiltərə ilə İspaniya yarışa elit-raunddan qoşulacaqsa, digər 44 komanda 11 qrupa bölünüb. İsveçrənin Nyon şəhərində baş tutan püşkatmada Azərbaycan millisinin də rəqibləri müəyyənləşib.

2015-ci il sentyabrın 15-dən 20-dək keçiriləcək seçmə mərhələdə yığmamız 3-cü qrupda mübarizə aparacaq. Komandamız Xorvatiya, Uels, Belçika yığmaları ilə oyunlarda qüvvəsini sınayacaq.

Qeyd edək ki, hər qrupdan iki komanda növbəti mərhələyə vəsiqə qazanacaq.

• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı
• "Beşiktaş"dan ayrıldı, Bolqarıstanda çıxış edəcək
• Çempionlar Liqası matçları bu kanallarda - TV AFİŞA
• Arda Gülərə UEFA-dan mükafat – Mövsümün ən yaxşısı