19 yaşadək qızlar arasında Avropa çempionatının Bakıda keçirilən VIII seçmə qrupunun son turunda Latviyanı 4:0 hesabı ilə məğlub edən Azərbaycan yığması tarixində 4-cü böyükhesablı qələbəsini qazanıb. Apasport.az saytının məlumatına görə, 2004-cü ildən qitəmiqyaslı yarışlara qatılan yığmamız bunadək 3 dəfə üç və ya daha çox top fərqilə qalib gəlmişdi.

Yığmamızın bu qələbələri son 4 ilə təsadüf edib. Millimizin Latviya ilə görüşdə rekordunu təkrarlamasına 1 qol çatmayıb. Belə ki, ən böyükhesablı qələbəmiz 5 top fərqilə olub.

U-19-un (qızlar) böyükhesablı qələbələri

26.09.2013. İsrail - 5:0

15.09.2015. Uels - 4:1

17.09.2015. Belçika - 3:0

20.09.2016. Latviya - 4:0