17 yaşadək futbolçulardan ibarət milli komandalar arasında Avropa çempionatının elit-raundunun püşkatması dekabrın 3-də baş tutacaq. Apasport.az saytının məlumatına görə, artıq püşkatma zamanı yığmaların yer alacağı səbətlər açıqlanıb.

İsveçrənin Nyon şəhərində keçiriləcək tədbir Bakı vaxtı ilə 13:40-də başlayacaq. Mərasimdə 32 komanda 8 qrupa bölünəcək. Bu üzdən də həmin komandalar hərəsində 8 yığma olan 4 səbətə paylanılıb. Püşk zamanı Rusiya ilə Ukrayna eyni qrupa düşə bilməyəcək.

Azərbaycan millisi püşk zamanı sonuncu – D səbətində yer alacaq. Bu da yığmamızın reytinqinin aşağı olması ilə bağlıdı. 2015-ci ilin yazında keçiriləcək elit-raundda qrup qalibləri və 2-ci yer sahiblərindən 7-si final mərhələsinə vəsiqə əldə edəcək.

A səbəti

Almaniya, Polşa, İspaniya, İngiltərə, Avstriya, Portuqaliya, Hollandiya, Çexiya

B səbəti

Xorvatiya, Şotlandiya, İrlandiya, İtaliya, Rusiya, Rumıniya, Fransa, Belçika

C səbəti

Norveç, Gürcüstan, Slovakiya, Belarus, Macarıstan, Serbiya, İslandiya, İsveç

D səbəti

Yunanıstan, İsrail, Sloveniya, Uels, Şimali İrlandiya, AZƏRBAYCAN, Bosniya və Herseqovina, Ukrayna

Qeyd edək ki, 2015-ci il mayın 6-25-də keçiriləcək final mərhələsinə Bolqarıstan ev sahibliyi edəcək.

• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı
• "Beşiktaş"dan ayrıldı, Bolqarıstanda çıxış edəcək
• Çempionlar Liqası matçları bu kanallarda - TV AFİŞA
• Arda Gülərə UEFA-dan mükafat – Mövsümün ən yaxşısı