"Cenoa"nın hücumçusu Mateo Reteqi klubunu dəyişə bilər.

Apasport.az xəbər verir ki, 24 yaşlı forvardla "Yuventus" yaxından maraqlanır. Turin klubunun artıq bu transferi gerçəkləşdirmək üçün qarşı tərəfə müraciət etdiyi bildirilir. 

İtaliya çempionatının cari mövsümündə italiyalı futbolçu iştirak etdiyi 23 matçda, 6 qol vurub və 2 məhsuldar ötürmə edib. 

Qeyd edək ki, "qoca sinyora" hazırda İtaliya A Seriyasında 30 turdan sonra 59 xal toplayaraq, 3-cü pillədə qərarlaşıb.