Sabiq futbolçu Eydur Qudyonsenin oğlu - "Espanyol"un futbolçusu Andri karyerasını “Real”da davam etdirəcək. Apasport.az saytının “Marca”ya istinadən məlumatına görə, o, Madrid klubunun aşağı yaş qrupunda – “juvenil”də çıxış edəcək.

Qudyonsenin digər oğlu – 12 yaşlı Daniel isə “Real” nəzdində “infantil B”də forma geyəcək.

Andri və Daniel daha öncə “Barselona”nın akademiyasında futbol oynayıblar.

Qeyd edək ki, Eydur Qudyonsen 2006-2009-cu illər aralığında “Barselona”da çıxış edib.