19 May 20:23 Çempiona medalını Mehriban Əliyeva təqdim etdi
İSLAMİADA xəbərləri 19 May 20:23
644 baxış

Çempiona medalını Mehriban Əliyeva təqdim etdi

IV İslam Həmrəyliyi Oyunlarında sərbəst güləş yığmamıza ikinci qızıl medalı Nurməhəmməd Hacıyev qazandırıb. Apasport.az saytının məlumatına görə, 97 kq çəkidə mübarizə aparan pəhləvanımız bütün rəqiblərini üstələyib.

 

Həlledici görüşdə iranlı Əmir Muhammadi ilə qarşılaşan Nurməhəmməd 11:2 hesablı qələbə qazanıb.

 

Fəxri kürsünün ən yüksək pilləsinə qalxan Hacıyevə qızıl medalı Azərbaycanın I vitse-prezidenti, IV İslam Həmrəyliyi Oyunlarının Təşkilat Komitəsinin sədri Mehriban Əliyeva təqdim edib.

 

Daha sonra dövlət himnimizin sədaları altında bayrağımız dalğalanıb. 

Xəbər lenti