Almaniya Bundesliqasında XXIX turun görüşləri sona yetdi. Apasport.az saytının məlumatına görə, açılış oyununda Mönxenqladbaxın “Borussiya”sı Frankfurtda “Ayntraxt”ın qonağı olub.

Qol epizodlarından yararlana bilməyən tərəflər qolsuz bərbaərlik sayəsində hərəyə bir xal qazanıb. 

“Volfsburq”la “Şalke” arasında oyunu həftənin mərkəzi qarşılaşması saymaq mümkündü. Avroliqada “Napoli”yə “boyun əyən” meydan sahibləri, iddialı "Şalke" ilə də qarşılaşmadan qalib ayrıla bilməyib.

Son çempion “Bavariya” səfərdə “Hoffenhaym”dan 3 xal almaq üçün əlindən gələni edib. Bir neçə əsas oyunçusunun xidmətindən istifadə edə bilməyən münhenlilər istəklərinə çatmaq üçün qələbəni bayram ediblər. Çempionlar Liqasına qatılmağı hədəfləyən “Bayer” öz evində bu il çox pis təsir bağışlayan “Hannover”lə üz-üzə gəlib. Yekunda meydan sahibləri rəqibi darmadağınla üstələyib. Turnir cədvəlinin ortalarında qərarlaşan Dortmund “Borrussiya”sı ardıcıl xal itkilərinin ardından autsayder “Paderborn”a qalib gələ bilib. Belə ki, dortmundlular 3 xalı həsrətinə bu turda son qoyublar.

Almaniya Bundesliqası

XXIX tur

17 aprel

“Ayntraxt” – “Borussiya” M - 0:0 

18 aprel

 “Bayer”- “Hannover” - 4:0

Qollar: Ömer Toprak, 20; Julian Brandt, 40; Papadopulos, 50; Stefan Kisslinq, 70;

“Borussiya” D – “Paderborn” - 3:0

Qollar: Henrix Mxitaryan, 48; Pyer-Emerik Obameyanq, 55; Şinji Kaqava, 80

“Frayburq” – “Maynts” - 2:3

Qollar: Admir Mehmedi, 81; Conatan Şmitd, 90 - Şinji Okazaki, 39; 45; Yunus Malli, 84

“Herta” – “Köln”- 0:0

“Hoffenhaym” – “Bavariya” - 0:2

Qollar: Sebastian Rode, 39; Andres Bek (avtoqol), 90 

"Auqsburq” – “Ştutqart” - 2:1

Qollar: Verner, 7; Bobadilya, 74 - Daniel Jinçek, 22

19 aprel

“Verder” - “Hamburq” - 1:0

Qol: Franko Di Santo, 84 (pen.)

"Volfsburq” – “Şalke” - 1:1

Qollar: Kevin de Bröyn- Leroy Seyn, 53