Azərbaycan klubları avrokuboklarda yeni rekorda imza atıb. Apasport.az saytının məlumatına görə, Avropa Liqasının I təsnifat mərhələsində mübarizəyə qoşulan təmsilçilərimiz ən uğurlu starta imza atıb.

Belə ki, 3 komandamızdan ikisi qalib gəlib, biri heç-heçə edib. Bu, daha tez başlayıb, 1 komandamızın startı ilə mövsümü başlamağımıza səbəb olan İntertoto kubokunun ləğvindən sonrakı dövrdə ən yaxşı nəticəmizdi.

Əvvəlki 7 mövsümü əhatə edən dövrdə məğlubiyyətsiz startlarımız olub. Lakin həmin illərdə yalnız bir komanda qalib gəlib, ikisi heç-heçəylə kifayətlənib. Bu dəfə isə əksinə olub.

Qeyd edək ki, 3 gün öncə başlayan avrokubok mövsümündə “Kəpəz” “Daçiya”nı (Moldova) məğlub edə bilməsə də (0:0), “Neftçi” Maltada “Baltsan”ı 2:0, “Qəbələ” isə Bakıda Gürcüstan “Samtredia”sını 5:1 hesabı ilə yenib.