Qadın voleybolçulardan ibarət Azərbaycan millisinin hazırlığa başlayacağı vaxt dəqiqləşib. Apasport.az saytının məlumatına görə, komandamız aprelin 7-də Bakıda bir araya gələcək.

Yığmamızın düşərgəsinə təxminən 30 voleybolçu cəlb ediləcək. Onların bölgələrdə və ölkə xaricində də təlim-məşq toplantısı keçməsi planlaşdırılır.

Təxminən 35 günlük məşqlərin ardından millimizin İslam Həmrəyliyi Oyunlarına, dünya çempionatının seçmə və Avropa çempionatının final mərhələsinə əsas heyəti formalaşdırılacaq.