Azərbaycan və Qətər voleybol federasiyaları arasında əməkdaşlıqla bağlı müqavilə imzalanıb. Apasport.az saytının məlumatına görə, Bakıda səfərdə olduğu vaxt Qətər Voleybol Assosiasiyasının prezidenti Əli Qanim Əl Kuvari imzalanma mərasimində iştirak edib.

Azərbaycan Voleybol Federasiyasının mənzil-qərargahında baş tutan görüşdə vitse-prezident Faiq Qarayevlə Əl Kuvari qarşılıqlı təcrübə mübadiləsi və birgə toplanışların təşkili haqda razılığa imza atıblar. Qonaq Qətər millilərini qarşıda bir sıra turnirlərin gözlədiyi vaxtda belə əməkdaşlığın faydalı olacağını vurğulayıb.