Bakıda keçirilən atıcılıq üzrə Avropa çempionatında daha iki medal dəsti sahibini tapıb. Apasport.az saytının məlumatına görə, qadınlar və qızlar 25 m məsafədən atəş açmaqda ən güclüləri müəyyənləşdirib.

Azərbaycan idmançısı Zərifə Qasımova da hədəf önünə çıxıb. 300 mümkün xaldan 283-nü yığan snayperimiz qadınların yarışında 38 idmançı arasında 29-cu olub. O, final mərhələsinə yüksələ bilməyib.

Qitə çempionu adına isə almaniyalı Monika Karş yiyələnib. Qızların mübarizəsində isə Bolqarıstan idmançısı Miroslava Minçeva qızıl medala sahib çıxıb.