Bakı. Mehman Süleymanov - APA-Sport. “Bakı” klubu argentinalı hücumçusu Fernando Pereslə daha iki illik müqavilə bağlayacaq. Bu haqda “APA-Sport” agentliyinə məlumat verən klubun vitse-prezidenti Zeynal Məmmədovun sözlərinə görə, legionerlə rəsmi müqavilənin yaxın günlərdə bağlanması nəzərdə tutulub.
“Bakı”nın braziliyalı yeni transferi Fabio Luis Ramim isə bu gün Qubaya yollanan komandaya qoşula bilməyib. Sabah Qubaya gedəcək bu futbolçulardan fərqli, Leandro Qomeşin hazırlığa qatılması bir qədər gec baş verəcək. Z.Məmmədov bunu futbolçunun sağlıq durumunda problemin yaranması ilə əlaqələndirib.