Bakı. Kənan Həsənov - APA-Sport. Sabah ABŞ-ın Everret şəhərində fiqurlu konkisürmə üzrə “Skate America” Qran-Pri turniri start götürəcək. “APA-Sport”un məlumatına görə, bu nüfuzlu yarışın mükafatları uğrunda Azərbaycan idmançıları da mübarizə aparacaqlar.

Milli komandanın legionerləri, Kristin Freyzerlə İqor Lukanin rəqs cütlükləri arasında çıxış edəcəklər. Bu növdə 7 ölkədən 10 duetin iştirakı təsdiqlənib. Qran-Pri turniri oktyabrın 26-da başa çatacaq.