Türkiyənin “Fənərbaxça” klubunun ispaniyalı futbolçusu Daniel Quiza sevgilisindən ayrılır. Apasport.az saytının məlumatına görə, İspaniya yığmasının 27 yaşlı hücumçusu neçə vaxtdır birgə yaşadığı Nuria Bermudeslə əlaqələrini kəsib. Son ay yarım ərzində sevgilisi ilə nəinki görüşməyən, heç telefon zəngi də etməyən Quiza İstanbulda ailə üzvləri və bir neçə dostu ilə qalıb. Hələ də evlənmədikləri halda Quizanın bir uşağının anası olan Nurianın yoxluğu isə Danielə düşərli olub. Belə ki, ispan həmkarlarımız sevgilisindən ayrılan hücumçunun peşəkarlıq baxımından irəlilədiyini düşünür ki, buna da misal “Beşiktaş”la derbi matçında vurulan qoldur.