AFFA ilə İspaniya Futbol Federasiyası arasında Memorandum imzalanıb. Apasport.az saytının məlumatına görə, iki qurum arasında futbolun inkişafı ilə bağlı son üç ayda aparılan danışıqların nəticəsi olaraq hazırlanan sənədin layihəsi imzalanıb.

Bu məqsədlə assosiasiyanın baş katibi Elxan Məmmədov və texniki direktor Bernard Lippert hazırda İspaniyada işgüzar səfərdədir. İspaniya Futbol Federasiyasının baş katibi Xorxe Peres Arias ilə əməkdaşlığın detallarını müzakirə edən AFFA nümayəndələrinin prezident Anxel Vilyar Llona ilə görüşü də planlaşdırılıb.