Braziliya milli komandasının və “Milan”ın 19 yaşlı ulduz futbolçusu Aleksandre Pato subaylığın daşını atıb. Apasport.az saytının məlumatına görə, o, braziliyalı aktrisa Stefani Brito ilə ailə həyatı qurub. Cütlük Rio-de-Janeyronun San Fransisko kilsəsində nikaha girib.

“Kopakabana” sarayında keçirilən toy mərasiminə isə 600 nəfər qonaq qatılıb. Bunların arasında Devid və Viktoriya Bekhemlər, Ronaldinyo və digər məşhurlar olub. Braziliya prezidenti Luis İqnasio, eləcə də “Milan”ın sahibi Silvio Berluskoni yeni evlənənlərə arzularını çatdırıblar. Toyda “Milan” klubunu Ariedo Brayda təmsil edib.

Maraqlıdır ki, Stefani Patodan 2 yaş böyükdür.