Azərbaycanın sərbəst güləş üzrə Olimpiya çempionu Namiq Abdullayev karyerasına bu gün rəsmən son qoyacaq. Bu haqda Lent.az-a 38 yaşlı pəhləvanımızın özü məlumat verib. Onun sözlərinə görə, təntənəli vida mərasimi saat 18:00-da Azərbaycan və ABŞ-ın sərbəst güləş yığmaları arasında keçiriləcək yoldaşlıq görüşünə təsadüf edəcək.

Qeyd edək ki, Abdullayev 2000-ci il Sidney Yay Olimpiya Oyunlarında 55 kq çəki dərəcəsində qızıl medal qazanıb. O, finalda məhz ABŞ təmsilçisi Samuel Hensonu məğlubiyyətə uğradıb.