Bu gün Azərbaycanın daha bir voleybol klubu avrokubok matçına çıxacaq. Apasport.az saytının məlumatına görə, qadınlardan ibarət “Azərreyl” komandası CEV kubokunun 1/8 finalı çərçivəsində Türkiyədə “Əczaçıbaşı”nın qonağı olacaq. Bu oyun voleybolçularımız üçün revanş xarakteri daşıyır. “Azərreyl” ötən həftə üzləşdiyi məğlubiyyətin əvəzini İstanbulda çıxmalıdır. Əks təqdirdə, təmsilçimiz qitə miqyaslı yarışla erkən vidalaşacaq.

Qeyd edək ki, avrokuboklarda artıq iki komandamız - “İqtisadçı” və “Lokomotiv” mübarizəni vaxtından qabaq dayandırıb.

CEV kuboku, 1/8 final
Qadınlar

13 yanvar, saat 19:00
“Əczaçıbaşı-Zentiva” (Türkiyə) - “Azərreyl” - 3:0 (25:15; 25:22; 25:15 )
İlk oyun - 3:2