Azərbaycanı Çempionlar Liqasında təmsil edəcək paytaxtın “Rabitə” klubunun keçirəcəyi oyunların vaxtı dəqiqləşib. Apasport.az saytının məlumatına görə, “wild card”la qitənin ən mötəbər yarışında qüvvəsini sınayacaq voleybolçularımız ilk görüşlərinə noyabrın 24-də səfərdə çıxacaqlar.

Onların rəqibləri Rumıniyanın “Dinamo-Romprest” klubu olacaq. Komandamız ikinci matçını dekabrın 2-də Bakıda İtaliya “Skavolini”sinə qarşı keçirəcək. Bu görüşdən 1 həftə sonra Polşa “Aluprof”u ilə səfərdə qüvvəsini sınayacaq Azərbaycan çempionu dekabrın 16-da onları paytaxtımızda qəbul edəcək.

E qrupunda mübarizə aparacaq “Rabitə”nin son sınağı səfərdə “Skavolini”yə (6 yanvar, 2011) və evdə “Dinamo-Romprest”ə (11 yanvar, 2011) qarşı baş tutacaq.

Qeyd edək ki, “Rabitə” ötən mövsüm CEV kubokunda “Dördlər finalı”na kimi irəliləmişdi və sonda bürünc medala sahib olmuşdu.

“Rabitə”nin oyunlarının təqvimi

I dövrə
24 noyabr
20:00. “Dinamo-Romprest” - “Rabitə”

2 dekabr
17:00. “Rabitə” - “Skavolini”

9 dekabr
21:00. “Aluprof” - “Rabitə”

II dövrə
16 dekabr
17:00. “Rabitə” - “Aluprof”

6 yanvar, 2011
21:00. “Skavolini” - “Rabitə”

11 yanvar, 2011
17:00. “Rabitə” - “Dinamo-Romprest”

Oyunların başlama saatı Bakı vaxtı ilə göstərilib.