“Qalatasaray”ın futbolçusu Səlcuk İnanın “Fənərbaxça”ya keçəcəyi ilə bağlı iddialara aydınlıq gəlib. Apasport.az saytının məlumatına görə, yarımmüdafiəçinin meneceri Batur Altıparmak xəbəri təkzib edib.
Altıparmak bunun mümkün olmadığını bəyan edib: “Bu necə ola bilər? Səlcukun “Qalatasaray”la daha 2 illik müqaviləsi var. Müqaviləsi olan futbolçu başqa bir klubla necə danışıqlar apara bilər?”
İspaniyanın “Valensiya” klubunun Səlcuka görə 7 milyon avro təklif etməsi barədə sualı cavablandıran menecer yenə də 2 illik müqaviləni xatırladıb: “Gələn həftə “Qalatasaray” rəhbərliyi ilə danışıqlar aparacağıq. Böyük ehtimalla müqaviləni daha 3 il müddətinə uzadacağıq. Səlcuk da bunu istəyir”.