Topaz Azərbaycan Premyer Liqasının XXXI turunun "Bakı" - "İnter" matçında xoşagəlməz hadisə baş verib. Apasport.az saytı xəbər verir ki, matçın 72-ci dəqiqəsində kobud oyuna görə sarı vərəqə ilə cəzalandırılan meydan sahiblərinin müdafiəçisi Araujo Santos hakimin qərarına kəskin şəkildə etiraz edib. Baş hakim Rəhim Həsənov isə ona bu etirazınına görə qırmızı vərəqə göstərib. Əsəblərini cilovlaya bilməyən braziliyalı futbolçu Rəhim Həsənova kəllə vurub. 

Xatırladaq ki, “Bakı” bu oyunda biabırçı hesabla uduzub - 0:4.